Barnahus Alvsborg

Statosko dukhavipe aj dukh kerdo katar e dab, o pirnodipe, morkhicirdipe, aj palpaledipe si akhardo violencija. Te ekh baro źeno angaźiril pes seksualno ćhavorenca, kadava si ekh violencijaki forma savi si źangli sar seksualno dośkeripe. Ćhavora śaj te aven violencijako subekto ande verver thana – ando kher, ande śkola, onlajn, aj ande peski pauzaki vrjama. Ćhave sako drom trubul te aven śajde te phenen “na” e bare źenenge thaj avere ćhavorenge, thaj von trubul te avel lenge dindo śanso te vakjaren kana voreso serdol pes bilaćho. Ćhavoren sako drom si len o ćaćipe (xakaj) te vakeren vaś sar von si thaj te vakeren varekoneske te von sas subekto ka violencija. E bare źenen si len o responsibiliteto te aśunen len thaj te sigurin kaj von len źutisaripe. 

Kana ekh ćhavo aj terno źeno avel ando o Barnahus, vov si soske ekh baro źeno si lel sama aśal lengo laćhipe thaj trajo. E res (ciel) vaś o Barnahus si te thol e ćhavores ando o centro vaś o rodimasko proceso ande ekh siguro thaj ćhavorengi laćhi turjalin. Ćhavora kon si gindisarde kaj von sas thodine telal violencija aj dośkeripe ni trubul te aven dinde katar ekh ande aver institucije thaj te aven tradinde te phenen peski istorija palem thaj palem. Ando o Barnahus, profesionalistura źan ka o ćhavoro, thaj e ćhavoreske em e laćhe insteresura si sako drom thodine ekhtone thaneste.

E socialne servisura, e policija, prokurorura, sastaravne (doktorja) katar e ćhavorengi klinika, thaj psixologura katar o BUP si andinde ekhe thaneste telal ekh kher ando o Barnahus. E socialne servisura roden e ćhavoresko trubupe aśal garavipe (protekcija), doktorja, thaj psixologura. Prokurorja den sa e krisa ande e policijako angluno rodipe ando o kriminalipe mamujal e ćhavore. Primerno, von den kris te o ćhavoro te avel puśdino katar e policija, thaj te o ćhavoro si ingjardo ando o Barnahus kajte von vakeren e policijake puśdinesa. Kadava bućhol ćhavorengo puśdipe. O vakeripe e ćhavoresa si ramosardo, thaj aver manuśa katar e socialne servisura śaj dikhen o puśdipe via e televizija ande ekh paśutni soba (kamera). Kadja, o ćhavoro śaj te naśel katar kadava te vakerel anglal o tribunalo thaj kadja te naśel katar kadava te vakerel peski istorija palem. 

Sako ekh ćhavoro si les ćaćipe ka ekh kherutni turjalin savi si liberime (slobodno) katar e violencija thaj dośkeripe. O responsibilo si e gardosko te siguril kaj lenge trubumata thaj ćaćimata si samalinde.